Հարավային Կովկասում Եվրամիության հատուկ ներկայացուցիչ Տոյվո Կլաարը, «Թվիթերի» իր միկրոբլոգում անդրադարձել է համացանցում տարածված տեսանյութին, որում ադրբեջանցիները գնդակահարում են հայ անզեն ռազմագերիներին, նշել է, որ տեղի ունեցածը ռազմական հանցագործություն է:
«Եվս մեկ սարսափազդու տեսանյութ, որտեղ ցուցադրվում է գերիների գնդակահարություն: Եթե այս տեսանյութի իսկությունը հաստատվի, ապա տեղի է ունեցել ռազմական հանցագործություն, որը պետք է քննվի, իսկ մեղավորներն էլ՝ պատժվեն», – գրել է նա:
