Օրեր առաջ դատախազությունը հաղորդագրություն տարածեց այն մասին, որ ուսումնասիրվում են Ազգային Ժողովի ծեծուջարդի կադրերը եւ դատախազությունը դրանց քրեաիրավական գնահատական կտա։
Պարզվում է՝ դատախազությունն արդեն հանձնարարական է իջեցրել Հատուկ քննչական ծառայությանը եւ նյութերն ուղարկել է ՀՔԾ՝ քննության։
Իսկ այսօր արդեն ՀՔԾ են հրավիրվում ԱԺ պատգամավորները։ Բնականաբար՝ առաջին հերթին ընդդիմության ներկայացուցիչները։
Hraparak am -ի տեղեկություններով,այսօր ՀՔԾ է հրավիրվել «Հայաստան» դաշինքի պատգամավոր Աղվան Վարդանյանը։ Հրավիրվել են նաեւ Գեղամ Նազարյանը, Գեղամ Մանուկյանը, Վահե Հակոբյանը եւ Ագնեսա Խամոյանը։