Հայաստանի խորհրդարանում մի քանի անգամ դատախազը մտել է նման միջնորդությամբ: Պատգամավորական անձեռնմխելիությունից զրկվածների թվում են Վանո Սիրադեղյանը, Մուշեղ Մովսիսյանը, Սասուն Միքայելյանը, Մյասնիկ Մալխասյանը, Հակոբ Հակոբյանը, Խաչատուր Սուքիասյանը, Վարդան Օսկանյանը, Մանվել Գրիգորյանը։
Այսօր վաղ առավոտից ոստիկանության մեծ ուժեր են բերվել Ազգային ժողովի շենքի մոտ: Այսօր ԱԺ-ում Գլխավոր դատախազը ներկայացնելու է ԲՀԿ ղեկավար Գագիկ Ծառուկյանին պատգամավորական անձեռնմխելիությունից զրկելու հարցը: Ենթադրվում է, որ նրա աջակիցները հավաքվելու են բողոքի ցույցի, ինչպես եղավ ԱԱԾ-ում նրա հարցաքննության ժամանակ: ԲՀԿ-ականներն իրենք ասում են, որ քաղաքացիներին հավաքվելու կոչով չեն դիմելու: