«Ժողովուրդ» օրաթերթը գրում է. «Հայաստանի պահածոների «Բորոդինո» գործարանը հայտնվել է գնումների գործընթացին մասնակցելու իրավունք չունեցող մասնակիցների ցանկում: Ընկերությունը նշված ցանկում հայտնվել է այս տարվա փետրվարի 24-ից և կմնա մինչև օգոստոսի 24-ը:
«Ժողովուրդ»-ը տեղեկացավ, որ «Հայաստանի «Բորոդինո» պահածոների գործարան»-ը խախտել է «Գնումների մասին» ՀՀ օրենքի դրույթը, և գնման գործընթացի շրջանակում պահածոների գործարանը ներկայացրել է կեղծ տվյալ:
Տեղեկացնենք, որ այս ընկերությունը ֆինանսական խնդիրների պատճառով սնանկ է ճանաչվել, և հիմա պետական գնումներին մասնակցելու իրավունքից առժամանակ զրկելն էլ ավելի կխորացնի նրանց ֆինանսական ծանր վիճակը: Մինչ այդ «Ժողովուրդ»-ին հայտնի դարձավ, որ իրանցի մի գործարար մտադիր է գնել պահածոների գործարանը»:
Մանրամասները՝ «Ժողովուրդ» թերթի այսօրվա համարում:
