Երեւանի հասարակական տրանսպորտը, ամենայն հավանականությամբ, կենթարկվի արմատական փոփոխությունների: Երեւանի փողոցներից կվերանան «գազելները» եւ դրանց կփոխարինեն մեծ, միջին եւ փոքր ավտոբուսները: Իսկ տրանսպորտի ամբողջ կառավարումը կիրականացնի մեկ օպերատոր: Այսպես է նկարագրել հասարակական տրանսպորտի սպասվող ապագան Երեւանի փոխքաղաքապետ Վահե Նիկոյանը: Այդ փոփոխությունները իրականացնելու համար խորհրդատու գտնելու նպատակով հայ տարարվել էր մրցույթ, որի հաղթողն արդեն հայտնի է:
Փոխքաղաքապետը չի նշել, թե որ ընկերությունն է տրամադրելու այդ խորհրդատվությունը, պարզաբանելով որ խորհրդատուին կբացահայտեն մրցույթի արդյունքները վերջնական ամփոփելուց եւ պայմանագիրը կնքելուց հետո: Ըստ փոխքաղաքապետի մոտավոր հաշվարկների նշված փոփոխություններն իրականացնելու համար կարող է պահանջվել 80-100 միլիոն դոլար:
Օրվա մյուս հրապարակումներին ծանոթացեք թերթի այս համարում:
