Քիչ առաջ վարչապետ Նիկոլ Փաշինյանը ֆեյսբուքի ուղիղ եթերում հայտարարեց, որ որոշել է ԱԱԾ պետ նշանակել ԱԱԾ Երեւանի քաղաքային վարչության բաժնի պետ, փոխգնդապետ Արթուր Վանեցյանին, իսկ ոստիկանապետի պաշտոնում բոլորիս հայտնի Վալերի Օսիպյանին, որի անունը շրջանառվում էր վերջին օրերին։
Արթուր Վանեցյանը ԱԱԾ երկարամյա աշխատակից, կադրային սպա։ Նրա մայրը երկար տարիներ աշխատել է նախագահի նստավայրում՝ տարբեր նախագահների օրոք։ Կինը եւս պետական համակարգում է աշխատել, այժմ գործարարությամբ է զբաղվում՝ մոտ մեկ տարի առաջ բացված «Վիլլա մոնթեսորի» մանկապարտեզային համալրի հիմնադիրն ու տնօրենն է։ Երկու արու զավակ ունի։
