«Հրապարակ». Ո՞րն է եղել Դավիթ Անանյանի հրաժարականի պատճառը․ մանրամասներ

«Հրապարակ» թերթը գրում է.

Ani Product

«Դավիթ Անանյանի հրաժարականի մասին բազմաթիվ հրապարակումներ եղան։ Անշուշտ, այն հասունացած էր եւ մի քանի պատճառներ ուներ, բայց դիմում գրելու առիթն Արարատյան մաքսատուն-վարչության թեման էր։

Ani Product

Հիշեցնենք․ Նիկոլ Փաշինյանին էր ուղարկվել լուսանկար, որում երեւում են մաքսատան տարածքում մարդկանց կուտակումներ, եւ նա պահանջել էր աշխատանքից ազատել մաքսատան պետին, ինչին ընդդիմացել էր ՊԵԿ նախագահը եւ նախընտրել ինքը դիմում գրել, քան ազատել փորձառու կադրին։

Բայց այս պատմությունն այլ նրբերանգներ էլ ունի։ Լուսանկարի պատմությունից հետո, երբ վարչապետը խիստ վրդովված է եղել, երեկոյան «զումով» խորհրդակցություն է անցկացրել, որի ժամանակ կառավարության անդամների ներկայությամբ կոշտ հրահանգել է Դավիթ Անանյանին՝ ազատել Արարատյանի պետին։ Անանյանը փորձել է բացատրել, որ կուտակված մարդիկ մաքսայինի այցելուները չեն եղել, այլ այդ տարածքում գտնվող բանկերի, իսկ մաքսայինի պետը պրոֆեսիոնալ կադր է՝ ափսոս է, բայց Նիկոլ Փաշինյանը չի ցանկացել ոչինչ լսել։

Անանյանը խնդրել է չշտապել՝ հորդորելով հարցն առավոտյան քննարկել։

Փաշինյանն ավելի է զայրացել՝ ԱԱԾ տնօրենին է դիմել, թե լուծեք այդ հարցը։ Մյուս օրը կառավարության նիստ պետք է կայանար՝ Փաշինյանը նիստին մասնակցում էր հեռավար՝ Սեւանից, կառավարության անդամները՝ կառավարության շենքից։

Երբ Դավիթ Անանյանը եկել է կառավարություն, մուտքի մոտ ոստիկանը նրա ձեռքից վերցրել է հեռախոսը, մի բան, որ երբեւէ չէր եղել, եւ ասել է, որ վարչապետի հանձնարարությունն է։ Թույլ չեն տվել վերեւ բարձրանալ նաեւ Անանյանին ուղեկցող անձին, որը ՊԵԿ անվտանգության պատասխանատուն է եւ միշտ ուղեկցելիս է եղել նրան։ Այս վերաբերմունքից վիրավորված՝ Դավիթ Անանյանը բարձրացել է վերեւ՝ դիմում գրել եւ հեռացել»: