10 Մարտի, 2017

Հանրապետական կուսակցության համամասնական եւ ռեյտինգային ցուցակներով Ազգային ժողովի պատգամավորի թեկնածու առաջադրված Վարդան Այվազյանը նախորդ տարի 250 հազար ԱՄՆ դոլար արժողությամբ առանձնատուն է գնել: Այս մասին armtimes.com-ին հայտնի դարձավ նրա եկամուտների եւ ունեցվածի հայտարարագիրն ուսումնասիրելու արդյունքում:

Ani Product

ԱԺ Հանրապետական խմբակցության պատգամավորը բարձրաստիճան պաշտոնատար անձանց էթիկայի հանձնաժողով ներկայացրած նոր հայտարարգրում նշել է նաեւ, որ նախորդ տարի ետ է վերադարձվել իր 250 հազար դոլար արժողությամբ փոխառությունը:

Ani Product

Փոխառությունը սովորաբար լինում է կամ ավանդի, կամ տոկոսով տրամադրած գումարի ձեւով, սակայն վերջին դեպքում դրա տոկոսները չեն կարող այնքան շատ լինել, քանի որ կհամարվի վաշխառություն:

2016 թվականի սկզբին Վարդան Այվազյանի դրամական միջոցները հետեւյալ տեսքն են ունեցել՝ 12 միլիոն 900 հազար դրամ, 72 հազար ԱՄՆ դոլար, որոնք հարկային տարվա վերջում նույնությամբ պահպանվել են:

Ազգային ժողովի պատգամավորի եկամուտի միակ աղբյուրը, ըստ հայտարարագրի, եղել է աշխատանքի դիմաց ստացած վարձատրությունը, որը կազմել է 8 միլիոն 260 հազար դրամ: Վարդան Այվազյանն ունի հողին ամրակայված 3 անշարժ գույք, Range Rover եւ Bentley ավտոմեքենաներ, երկու ընկերությունում էլ բաժնեմաս:

Լրահոս