Այսօր՝ հունիսի 22-ին, խոշոր ավտովթար է տեղի ունեցել Արմավիրի մարզում: ժամը 15:00-ի սահմաններում Երևան-Արմավիր ավտոճանապարհի 14-րդ կմ հատվածում Արմավիրի մարզի Ամբերդ գյուղի բնակիչ, 21-ամյա Գևորգ Ալեքսանյանը իր վարած ВАЗ 2105 մակնիշի ավտոմեքենայով դեպի Երևան ընթանալիս դուրս է եկել հանդիպակաց երթեկելի գոտի, անցնելով բաժանարար գոտին , բախվել է դեպի Էջմիածին ընթացող Էջմիածին քաղաքի բնակիչ, 63-ամյա Բաբկեն Ասատրյանի վարած Mercedes մակնիշի ավտոմքենային և մասամբ հայտնվել ճանապարհի մեջտեղում:
Ինչպես դեպքի վայրից հայտնում է shamshyan.com-ը, վթարի հետևանքով 2 հոգի տեղափոխվել են «Վաղարշապատ» բժշկական կենտրոն: Ոստիկանությունը պարզում է վիրավորների ինքնությունը: Դեպքի վայրում հավաքված մի քանի քաղաքացիներ ասում էին, որ վթարի պատճառը եղել է ինչ-որ հետիոտն, ով փողոցը անցնելիս է եղել ու ВАЗ 2115–ի վարորդը նրան վրաերթի չենթարկելու համար դուրս է եկել հանդիպակաց և բախվել Mercedes -ին: