«Դեպքի վայրում հայտնաբերվել է Գերոգի Կուտոյանի դին հրազենային վնասվածքով։ Դեպքի վայրում հայտնաբերվել է նաև GLOCK տեսակի ատրճանակ։ Տեղում մենք պարզել ենք, որ իր զենքն է, պարգևատրման կարգով ստացել է Վրաստանի անվտանգության ծառայության ղեկավարի կողմից, կան բազմաթիվ պարկուճներ և գնդակներ սենյակում, պատերին վնասվածքներ։ Հայտնաբերվել է 3-4 տասնյակից ավելի պարկուճներ, գնդակներ։ Գործով որևէ տվյալ չունենք՝ արդյոք որևէ մեկը լսել է կրակոցների ձայնը։ Հրազենյաին վնասվածք կա քունքի շրջանում, իսկ դիմածնոտային հատվածում վնասվածք չկա։
Դեպքի վայրում կնոջ և հոր մասնակցությամբ գործողություններ ենք կատարում այս պահին էլ, այլ որևէ անձ չի եղել դեպքի վայրում, բացի քննիչներից, փորձագետ-մասնագետներից։ Հարուցվել է քրեական գործ 110-րդ հոդվածի 1-ին մասով (Ինքնասպանության հասցնելը)։ Խնդրում եմ հոդվածին չխաբնվել, քանի որ ունենք հետևյալ պատկերը՝ հայտնաբերվել է Կուտոյանի դին, այս պահին եղած տվյալներով հարուցում էինք 110-րդ հոդվածով, բայց բազմաթիվ վարկածներ են առաջ քաշվելու՝ կարող է լինել սպանություն, կարող է լինեն սպանություն քողարկված ինքնասպանությամբ։ Հետագայում համալիր փորձաքննություններով ու քննչական գործողություններով կպարզվի, թե ինչ է տեղի ունեցել»։
Նա հավելեց՝ փորձաքննությամբ կպարզեն՝ արյան մեջ սպիրտի պարունակություն կա, թե ոչ։
