Դերասանուհի Անատի Սաքանյանը մեկ ամիս առաջ է Մոսկվայից վերադարձել Երևան: Ինչպես ինքն է նշել՝ այցի նպատակը ծնողներին տեսակցելն է: Երկրպագուների աչքից չէր վրիպել այն փաստը, որ դերասանուհին բացել է նոր ինստագրամյան էջ, որտեղ բացառապես իր լուսանկարներն են, և ի տարբերություն նախկին էջի՝ այստեղ չկան Անատիի ամուսնու լուսանկարները:
Սա, թերևս, ասեկոսեների տեղիք էր տվել: Մարդկանց կարծիքով՝ Էդգար-Անատի զույգի՝ 6 ամիս տևած ամուսնությունը, կարծես, փլուզվել է:
Asekose.am-ի հետ զրույցում դերասանուհի Անատի Սաքանյանը հետևյալ կերպ արձագանքեց ասեկոսեներին ու հանրային կարծիքներին.
«Չեմ ցանկանում կոպիտ ձևով պատասխանել, դրա համար, երևի թե, չպատասխանեմ հարցին: Իմ անձնական կյանքը հասարակության քննարկման թեման չէ, եթե սա իմ անձնականն է, ապա շատ բաներ պետք է մնան իմ ներսում: Իսկ թե ինչ է խոսվում ու քննարկվում, դա ինձ բացարձակապես չի հետաքրքրում»:
Հատկանշականն այն է, որ ի տարբերություն Անատիի՝ Էդգարը չի թաքցնում իրենց բաժանումը: Նա պարբերաբար ուղիղ միացումներ է ունենում Instagram-ի իր էջի միջոցով, որի ժամանակ հարցերի մեծ մասն Անատիի մասին են: Էդգարի խոսքով՝ ինքը երջանկություն է մաղթում Անատիին, սակայն տեսակով շատ շուտ հիասթափվող մարդ է: Իսկ դիտարկմանը՝ արդյո՞ք դեռ սիրում է Անատիին, պատասխանել է հետևյալ ձևով.
«Ի՞նչ եք կարծում, սիրո՞ւմ եմ ու ոչ մի բան չեմ անու՞մ: Եթե սիրեի, ռումբ էլ կպայթեցնեի»:
Մեզ մնում է փաստել, որ Անատի-Էդգար զույգի ամուսնությունը, թերևս, ամենակարճատևներից էր հայկական շոու բիզնեսում:
