29 Նոյեմբերի, 2020

Երևանում կիրակի օրը երթ կանցկացվի՝ պատերազմում զոհվածների, անհետ կորածների ու գերեվարվածների լուսանկարներով։ Երթի մասնակիցները կդիմեն Հայաստանում օտարերկրյա դեսպանատներին, որպեսզի միջազգային հանրությունը ստիպի Ադրբեջանին վերադարձնել հայ գերիներին։ Այս մասին որոշվեց այսօր արվեստագետների նախաձեռնած հանրահավաքում։

Պրոդյուսեր Արմեն Գրիգորյանն ասաց, որ ակցիայի մասնակից տարբեր մարդիկ առաջարկություններ են անում, սկսած նրանից, որ կարելի է երթ կազմակերպել՝ «Бессмертный полк»-ի նման՝ զինծառայողների նկարներով դուրս գալ փողոց։

«Бессмертный полк-ը արտակարգ իդեա է։ Վաղը՝ ժամը 12-ին հավաքվենք Օպերայում։ Բոլոր այն տղաները, որոնք կորած են, գերի են, չեն վերադարձել այս ահավոր պատերազմից, նրանց նկարներով անցնենք Երևան քաղաքում՝ դեսպանատներով: Առաջարկում են՝ Գյումրիում էլ նույնը լինի։ Պրոբլեմ չունենք Գյումրիի հետ», ասաց նա։ 

Նշենք, որ այսօրվա ակցիայում արվեստագետները փորձում են միջազգային  կառույցների ուշադրությունը հրավիրել Ադրբեջանում գտնվող հայ գերիների շուտափույթ վերադարձի հարցի վրա։

kotayk

Լրահոս