«Արցախի նախագահը ամբողջ երկու օր անցկացրեց Մոսկվայում: Նա երեք հանդիպում է ունեցել Ռուսաստանի ուժային կառույցների պաշտոնյաների հետ․ երկուսը գնդապետների, մեկը ՝ գեներալի հետ:
Հանդիպումները տեղի են ունեցել փակ դռների հետևում: Ոչ ոք պաշտոնապես չի հաստատի, թե ինչ է քննարկել: Բայց հանդիպումները եղել են:
Երկրորդ օրվա երեկոյան Արայիկ Հարությունյանը հավաքել է Մոսկվայում իր ներկայացուցչության աշխատակիցներին: Նա կտրականապես հրաժարվել է հանդիպմանը հրավիրել ղարաբաղյան արմատներով հայ գործարարներին:
Ըստ աղբյուրների, հանդիպմանը Հարությունյանը փորձել է հոխորտալ, հանձնարարություններ տալ Մոսկվայի աշխատակիցներին, բայց, ինչպես պատմում են, նա խորապես ընկճված էր և հոգեպես ճնշված։
Մի քանի անգամ անդրադարձել է Փաշինյանին: Ասել է, որ Հայաստանի վարչապետը ոչ ադեկվատ է և հաճախ է ընկնում հիստերիաների մեջ: Պատմել է, որ ինքը Կրեմլում բարձրաստիճան պաշտոնյաների հետ հանդիպումներ է ունեցել: Հավանաբար, Արայիկը կարծում է, որ հատուկ ծառայությունները բոլորը Կրեմլում են:
Նրա խոսքով՝ մեծ խնդիրը է բանտարկյալների հարցը։ Շնորհակալություն է հայտնել գեներալ Մուրադովին և հրապարակավ հայտարարել, որ Փաշինյանը թքած ունի բանտարկյալների վրա:
Ներկայացուցչությունում այս հանդիպումից հետո Արայիկը արագ մեկնել է «Արարատ Հայաթ» հյուրանոց, հավաքել իրերը ու մեկնել Երևան»,- գրել է Գաբրիելյանովը:
