«Բոլոր խորհրդարանական ու նախագահական ընտրություններին ԴԱՀԿ նախկին պետ գեներալ Միհրան Պողոսյանը, հայտնի «հեղինակություն» Քանաքեռցի Տույը (Արթուր Ղազարյան) և գեներալ Հայկազ Բաղմանյանը միասին ձեռք–ձեռքի տված օրինական ու անօրինական եղանակներով անհրաժեշտ ձայներ էին հավաքում իշխող կուսակցության համար:
Սակայն այսօր Քանաքեռցի Տույը և Միհրան Պողոսյանը իրար նկատմամբ թշնամաբար են տրամադրված:
Քաղաքում խոսակցություններ են գնում, թե շաբաթներ առաջ նրանք թունդ վիճել են, բանը հասել է բռունցքների գործադրմանը:
Ինչևէ: Մեր աղբյուրների փոխանցմամբ` Տույը բոլոր քանաքեռցիներին հորդորում է ոչ մի ձայն չտալ գեներալ Միհրանին:
Հայտարարել է, թե ամեն ինչ անելու է, որ տապալի պատգամավորական ծրագրերը:
Մանրամասները՝ թերթի այսօրվա համարում