«Երեկ տեղի ունեցավ ԱԺ պաշտպանության և անվտանգության մշտական հանձնաժողովի հերթական նիստը:
ՀՀԿ-ական Կորյուն Նահապետյանի ղեկավարած հանձնաժողովի նիստին մշտապես չեն ներկայանում գեներալ Մանվել Գրիգորյանը, Սեյրան Սարոյանը, իսկ ժամանակ առ ժամանակ ներկա չէ նաև Քեթրինի Միհրանը՝ Միհրան Պողոսյանը: Այսօր այս պատգամավորներից զատ չկային նաև «Ծառուկյան» խմբակցությունից Վահան Կարապետյանը և Արթուր Մանուկյանը, իսկ «Ելք»-ից բացակա էր Սասուն Միքայելյանը:
Տեղեկություններ կան, որ Նահապետյանը չի կարողանում գեներալներ Մանվել Գրիգորյանին ու Սեյրան Սարոյանին պարտադրել ներկայանալ նիստերին: Մի առիթով էլ գեներալները Նահապետյանին երեսով են տվել բանակում չճառայելու համար:
Այսօր այս տեղեկությունը Նահապետյանից ճշտել չհաջողվեց, քանի որ նա լրագրողներին հայտարարեց, որ հարցազրույց չի տալու, պատասխանելու է մեկ հարցի, որը վերաբերում էր տարկետման խնդրին»:
Մանրամասները՝ թերթի այսօրվա համարում
