Հայտարարագրում 2020-ին անշարժ գույք ձեռք բերելու մասին տվյալներ չկան։ 2005 և 2013թթ․ Սասուն Խաչատրյանը ձեռք է բերել 2 բնակարան Երևանում, որոնց միանձնյա սեփականատերն է, 2018 և 2019 թթ․ ձեռք է բերել երկու բնակարան կրկին Երևանում, որոնց համասեփականատեր է:
Տարվա սկզբում բանկային հաշիվների մնացորդը կազմել է 232 հզր ՀՀ դրամ, տարվա վերջում՝ 303 հզր դրամ։ Կանխիկ դրամական միջոցները տարվա սկզբում կազմել են 20 մլն 800 հզր ՀՀ դրամ, տարվա վերջում այն աճել է՝ կազմելով՝ 26 մլն 200 հզր ՀՀ դրամ։
Հայտարարագրում ՀՔԾ պետի ամսական եկամուտը՝ որպես աշխատավարձի դիմաց վճար, կազմել է 15 մլն 188 հզր ՀՀ դրամ: Ըստ «Պետական պաշտոններ զբաղեցնող անձանց վարձատրության մասին» ՀՀ օրենքի՝ ՀՔԾ պետի ամսական աշխատավարձը 793 հզր 680 դրամ է։ Ստացվում է՝ Սասուն Խաչատրյանի տարեկան աշխատավարձը կազմում է 9 մլն 524 հզր դրամ, հետևաբար Սասուն Խաչատրյանը 2020-ին 5 մլն 664 հզր դրամ պարգևավճար է ստացել:
