Ընկերությունը պետական ռեգիստրում ընդամենն այս տարվա սեպտեմբերին է գրանցվել, հիմնադիրն Աստղիկ Ալեքսանյանն է: Մյուս հիմնադիրը, որը Հռիփսիմե Սարգսյանն է, դադարեցրել է մասնակցությունը: Ա. Ալեքսանյանին պատկանող մեկ այլ ընկերությունից՝ «Ալեքս տեքստիլ»-ից, երեկ փորձեցինք մանրամասներ ճշտել, թե հատկապես որ ընկերությունն է ներկայացնում չեխական կողմը, և ինչ բրենդի հագուստ է արտադրվելու նորաստեղծ ՍՊԸ-ի կողմից:
Մեր տեղեկություններով, Ա. Ալեքսանյանի չեխ գործընկերը «Գալիա սթայլ»-ն է, որը հայտնի է առավելապես իր կանացի նրբագեղ, մասնավորապես՝ հարսանեկան զգեստներով: Ողջ օրը, սակայն, «Ալեքս տեքստիլ»-ից մեր հարցերին չպատասխանեցին:
Նշենք, որ անհատույց նվիրված գույքը, այն հետագայում գնելու իրավունքով, գնահատվել է 96 մլն 543 հազար ՀՀ դրամ և ունի 7316.7 քմ ընդհանուր մակերես (երկու հարկ և նկուղ), 40.5 քառ. մետր մակերեսով ենթակայան, 25 քմ մակերեսով օժանդակ շինություն, 87.12 քմ մակերեսով (200.37 խմ) պարիսպ և դրանց զբաղեցրած, օգտագործման ու սպասարկման համար անհրաժեշտ 0.76 հա հողատարածք»:
Մանրամասները՝ թերթի այսօրվա համարում:
