Համապատասխան հայտարարությունը տարածվել է ընկերության ֆեյսբուքյան էջում, որում մասնավորապես ասված է.
«Հարգարժա՛ն պարոն Միրզոյան, «Պանդոկ Երեւան» ռեստորանների ցանցի տնօրինությունն ու աշխատակազմը հայցում է Ձեր ներողամտությունը ստեղծված իրավիճակի եւ նման անհարմարություն պատճառելու համար: Մեր ցանցը Երեւանում գործում է 2006 թվականից եւ վայելում է երեւանցիների եւ քաղաքի հյուրերի սերն ու վստահությունը: Մեզ համար մեր աշխատանքում ամենակարեւորն ու առաջնայինը յուրաքանչյուր հաճախորդի հարմարավետությունն է:
Ստեղծված իրավիճակում մեր աշխատակիցը թույլ է տվել կոպտագույն սխալ՝ խախտել մասնագիտական էթիկայի սկզբունքները։ Մեր ընկերության ղեկավարությունն անթույլատրելի է համարում նման անտեղի շահարկումները եւ կրկին ներողություն խնդրում մեր աշխատակցի անթույլատրելի վարքագծի համար»:
Հիշեցնենք, որ իր տարեդարձի առթիվ ծախսված գումարի և դրա առնչությամբ ֆեյսբուքյան օգտատերերից մեկի գրառմանն անդրադարձել է նաև ԱԺ նախագահ Արարատ Միրզոյանը:
