«Իրատես» թերթը գրում է. Ասում են, թե վերջերս ստեղծված «Միասնություն» հասարակական կազմակերպությունը փորձում է հայտնվել Ծառուկյանի և նախագահականի «կողքին» կամ «միջև»:
Իր հերթին Հովիկ Աբրահամյանն էլ ցանկանում է ԲՀԿ ռեյտինգային ցուցակներում ներառել հայտնի օդիոզ ֆիգուրների, որոնց համար ՀՀԿ-ում արդեն իսկ տեղ չկա, իսկ օդիոզներն ունեն ռեալ ձայն ու չեն ցանկանում փողոցում մնալ, ծայրահեղ դեպքում իրենց որդիներին են տեսնում ցուցակներում և ապագա պառլամենտում, ուստի նրանց բոլորին պետք է հավաքել Ծառուկյանի հովանու ներքո:
Ու հիմա այս երկու թևերի՝ ԲՀԿ-ի ու «Միասնության» ներկայացուցիչների միջև կոշտ մրցակցություն է ընթանում, նրանք մրցակցում են մի ուրիշ կերպ` Ծառուկյանի սիրելիին որոշելու հարցում: Իսկ թե ով կհաղթի, պարզ կդառնա հունվարին, երբ Ծառուկյանը կմտնի քաղաքական ասպարեզ:
