Արագածոտնի մարզի Սասունիկ համայնքում հայախմբվածությունն ու հայի հոգին էր թևածում: Այստեղ հիշում և բարձրաձայնում էին ազատամարտիկների մտքերն ու թևավոր խոսքերը՝ մինչև մահվան դատավճռին հասնելը. Գեղազնիկ Միքայելյան (Չաուշ), Հովհաննես Պողոսյան (շարքային Պողոսյան), Լյովա Խաչատրյան:
Գեղազնիկ Արմենակի Միքայելյան Արցախյան ազատամարտի մասնակից, ազգային-ազատագրական պայքարի նվիրյալ, առաջին կամավորական ջոկատների կազմակերպիչներից, հետմահու ՀՀ ազգային հերոս (1996)։ Ծնվել է 1951 թվականին՝ Աշտարակի շրջանի (Արագածոտնի մարզ) Լեռնարոտ գյուղում։ Ավարտել է տեղի միջնակարգ դպրոցը, այնուհետև ստացել գյուղատնտեսական միջնակարգ մասնագիտական կրթություն։ ՀՀ արևելյան սահմանների պաշտպանության ակտիվ մասնակից և կազմակերպիչներից էր (Կոռնիձոր, Երասխ, Ոսկեպար, և այլն)։ Նշենք նաև, որ միջոցառմանը ներկա էր նաև Գեղազնիկ Միքայելյանի դուստրը՝ Աննան, ով մեծ հուզականությամբ և ոգևորությամբ մեջբերումներ արեց մանկությունից, հոր բացակայությունից և կյանքի ապրումներից:
Համայնքի ղեկավար՝ Արման Մարգարյանի հովանավորությամբ և համայնքի դպրոցականների մասնակցությամբ տեղի ունեցավ միջոցառումը՝ ազատամարտիկների հուշահամալիրում, որից հետո հայ ժողովրդական երգիչների մասնակցությամբ համերգը հանդիսավոր ընթացք ունեցավ՝ ազատամարտիկների ծննդյան օրվա առթիվ:
