Mnews.am լրատվական կայքի լրագրողը կապ հաստատեց Լեռնանիստ համայնքի նախկին ղեկավար Առլիկ Արշակյանի հետ, ով նախկինում և ներկայումս ՀՀ կուսակցության անդամ է, բաց առաջադրվում է «Ծառուկյան դաշինք»-ով: Ա. Արշակյանի հետ հեռախոսազրույցից պարզ դարձավ, որ դժգոհ է իր սոցիալական և ընտանեկան կեցությունից, իսկ առաջադրման նպատակը կարծես թե սոցիալական շահերի բախման է տանում։
– Պրն. Արշակյան ո՞րքանով եք արդյունավետ համարում Ձեր առաջադրումը, մասնավորապես այն դեպքում, երբ պարտվեցիք նույնիսկ ՏԻՄ ընտրություններին:
-Դե ընտրությունա, ով իմանա ինչ կլինի, գյուղացին փոփոխություն ուզեց տարիներ առաջ, երևի մի բան էլ շուտով կփոփոխվի, ամեն դեպքում ցանկությունն իմն է եղել:
-Պրն. Արշակյան ո՞րն եք համարում Ձեր առաջադրման նպատակը։
– Տարիներ առաջ, երբ վերևներից որոշեցին, որ էլ գյուղապետ չեմ և երբ գյուղացիները ինձ չընտրեցին, այդ օրվանից նմանատիպ գաղափարներ եմ ունեցել։ Ես ունեմ ընտանիք, ունեմ երկու զավակ, ես դրանց ո՞նց պահեմ, սոված են, պիտի մի բան անեմ թե չէ՞:
– Այսինքն գալիս եք քաղաքական դաշտ, որպեսզի ընտանեկան քաղցը բավարարե՞ք:
– Դե, դուք ոնց ուզում եք մեկնաբանեք, մեր նպատակն էտաա։
-Պրն. Արշակյան ինչպե՞ս կմեկնաբանեիք, որ նույն ցուցակում ներգրավված է նաև ձեր ազգականը` Գոռ Մանուկյանը։
– Հա, ինքը իմ ազգականնա, բայց էտ բան չի փոխում, երկուսս էլ առաջադրված ենք։
-Այսինքն քաղաքականությունը հաշվի չի առնում ազգակցական կապը, առավել ևս պայքարը միմյանց դեմ։
– Դուք ինձանից լավ գիտեք ինչա կատարվում քաղաքականության մեջ, ի՞նչ քուր, ախպեր, ընտրության արդյունքները ցույց կտան իրականությունը։