Ռուսաստանը կշարունակի խորհրդակցել Զապորոժիեի և Խերսոնի շրջանների բնակչության հետ այն սահմանների վերաբերյալ, որոնցով նրանք մտել են Ռուսաստանի Դաշնության կազմ։ ТАСС գործակալության փոխանցմամբ՝ այդ մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։
Պեսկովի խոսքով՝ Դոնեցկի և Լուգանսկի հանրապետությունները Ռուսաստանի կազմի մեջ կմտնեն 2014 թվականի սահմաններով, իսկ Խերսոնի և Զապորոժիեի սահմանների հարցով խորհրդակցություններ տեղի կունենան այդ մարզերի բնակչության հետ։
Պեսկովը, սակայն, չի պարզաբանել, թե ինչ ձևաչափով են տեղի ունենալու այդ խորհրդակցությունները, համենայնդեպս, նոր հանրաքվեների մասին առայժմ խոսք չկա։
