2 Նոյեմբերի, 2016

Կաշառքի միջնորդություն կատարելու մեջ մեղադրվող փաստաբան Էլզա Զաքարյանին հանրային պաշտպան Լյուդվիգ Ավետիսյանը չի պաշտպանի, Զաքարյանը հանրային պաշտպանի ծառայություններից հրաժարվել է:

Ani Product

Լյուդվիգ Ավետիսյանը որպես պաշտպան էր ներգրավվել հոկտեմբերի 28-ին՝ փաստաբան Է. Զաքարյանի ձերբակալումից հետո:

Ani Product

Ինչպես ավելի վաղ Հատուկ քննչական ծառայությունը տեղեկացրել էր, Երևան քաղաքի Շենգավիթ վարչական շրջանի ընդհանուր իրավասության դատարանի դատավոր Իշխան Բարսեղյանը իր վարույթում քննվող քաղաքացիական գործով կողմի օգտին իր լիազորությունների շրջանակում գործողություններ կատարելու համար, փաստաբան Է. Զաքարյանի միջոցով, պահանջել և 2016 թվականի հոկտեմբերի 27-ին քաղաքացի Հ. Դ.-ից Երևանի հետիոտնային գետնանցումներից մեկում անձամբ ստացել է 1000 ԱՄՆ դոլար կաշառք:

Քրեական գործի նախաքննության ընթացքում կաշառքի միջնորդություն կատարելու համար փաստաբան Է. Զաքարյանին մեղադրանք է առաջադրվել ՀՀ քրեական օրենսգրքի 313-րդ հոդվածի 1-ին մասով:

Վերջինիս նկատմամբ որպես խափանման միջոց կիրառվել է չհեռանալու մասին ստորագրությունը:

Աղբյուր` Փաստինֆո

Լրահոս