Տավուշի մարզպետ Հայկ Ղալումյանն ընդունել է ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիմային

Տավուշի մարզպետարանից հայտնում են, որ այսօր մազպետ Հայկ Ղալումյանը հանդիպել է ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիմային:

Ողջունելով դեսպանին՝ մարզպետը ներկայացրել է Տավուշի մարզը, զարգացման հնարավորություններն ու հեռանկարները, ձեռնարկած տնտեսական վերափոխումները, ձեռնարկելիք քայլերը՝ գյուղատնտեսության, արդյունաբերության, մշակույթի ու կրթության ոլորտներում:

Դեսպանը շնորհակալություն է հայտնել ջերմ ընդունելության համար և շեշտել, որ այցը ճանաչողական է և ուրախ է ծանոթանալու մարզի զարգացման տեսլականին:

Հանդիպման արդյունքում որպես համագործակցության հեռանկարային ուղղություններ առանձնացվել են հիմնականում կրթության և տուրիզմի ոլորտները: