Օրինակ մի քանի ամիս առաջ այս սպասավորը պատասխանելով հոգեւորականներին ուղղված վարչապետի քննադատություններին ասել է.«Ես իրենց գալուց մեկ տարի առաջ եմ ասել իմ համայնքին, որ մեծ դավադրություն է կազմակերպված հայ տեսակի հանդեպ, և այսօրվա հակաքրիստոսի խամաճիկը պիտի լինի ղեկավար, անունն էլ եմ ասել»:
Եկեղեցու սպասավորին կարգալույծ անելու որոշումը կայացվել է օրերս, երբ նա կրկին Ահարոն քահանան այս անգամ էլ չլռեց Լանզարոտեի կոնվենցիայի վերաբերյալ: Նա ասել է, որ այդ կոնվենցիայի վավերացումը «ներանձնական շահից դրդված քաղաքական առևտուր է Եվրոպայի, ես կասեի` Գեյրոպայի հետ», «Նորմալ, բարոյական նկարագիր ունեցող մարդիկ լավ հասկանում են, թե ինչ դավադրություն է իրականացվում հայ տեսակի դեմ: Երկար չի՛ տևի, վստահեցնում եմ Ձեզ: Օրենքներ ընդունողներն իրենց ընտանիքի բարոյական սկզբունքների ու նկարագրի սահմաններում են դիտարկում և ընդունում»։ Մեզ չհաջողվեց լսել Մայր Աթոռի պարզաբանումները եւ կհրապարակենք այն ստանալուն պես:
