10 Օգոստոսի, 2022

Արցախի անվտանգության խորհրդի քարտուղար Վիտալի Բալասանյանը երեկ ադրբեջանցի պաշտոնատար անձանց հետ շրջել է Բերձորում ու ցույց տվել առաջիկա օրերին ադրբեջանցիներին հանձնվող բերձորցիների տները: Այս մասին Aravot.am-ին պատմել է Բերձորի բնակիչ Սաթիկ Ասատրյանը:

Ani Product

Ըստ նրա՝ բնակիչներով գյուղի կենտրոնում հավաքված էին, մեկ էլ տեսնում են՝ Վիտալի Բալասանյանը գալիս է ադրբեջանցի գեներալների հետ․

Ani Product

«Ընդ որում՝ առաջին անգամ չէ, որ նա թուրքերի հետ հանգիստ շրջում է, մենք Շուշիի պոստերում էլ ենք տեսել, թե ինչպես է քաղցր-քաղցր զրուցում դրանց հետ»։

«Ադրբեջանցիներն արդեն եկել՝ մեր տներն էին նայում: Վիտալին ցույց էր տալիս մեր տները՝ հավաստիացնելով, որ մենք չենք քանդում, չենք ավերում, նորմալ է ամեն ինչ: Պատկերացնում ենք՝ ինչ եղավ մեր վիճակը, որ նայում էինք այդ ամենին: Մեր բնակիչներից մի շատ համարձակ կին մոտեցավ Վիտալիին ու ասաց՝ մեր հողերը սաղ ծախեցիք, քիչ է, հրահանգել ես ժողովրդին, որ մի չոփ վնաս չտան, ինչի՞ համար: Մարդիկ տարիներով ապրել են, ստեղծել են, դուք ասում եք՝ բանալիներով կփակեք, կբերեք կտաք, ղեկավարներին: Ի՞նչ է, մեզ էլ Լաչինի հե՞տ եք վաճառել: Վիտալին ապշած մեզ էր նայում, հետո նստեցին ավտոն ու թռան: Կարելի՞ է նման բան անել»,- սրտնեղել է Սաթիկ Ասատրյանը:

Լրատվամիջոցը տեղեկությունը փորձել է ճշտել Վիտալի Բալասանյանից, սակայն նա չի պատասխանել հեռախոսազանգերին, ինչպես նաեւ գրավոր հարցմանը։

Լրահոս