Հավելենք, որ Ռուսաստանի արտաքին գործերի նախարար Սերգեյ Լավրովը հայտարարել է, որ Հավաքական անվտանգության պայմանագրի կազմակերպության (ՀԱՊԿ) անդամ երկրների արտաքին գործերի նախարարների խորհրդի հաջորդ նիստը նախատեսվում է անցկացնել 2026 թվականի նոյեմբերի 10-ին Մոսկվայում։
Լավրովի խոսքով՝ անհրաժեշտ է համաձայնեցնել հանդիպման ժամանակն ու վայրը, սակայն ռուսական կողմը առաջարկում է այն անցկացնել Մոսկվայում՝ Հավաքական անվտանգության խորհրդի նիստից անմիջապես առաջ։
Նախարարի առաջարկով նախատեսվում է նաև համատեղ նիստի ձևաչափ, որտեղ կմասնակցեն արտաքին գործերի նախարարների խորհուրդը, պաշտպանության նախարարների խորհուրդը և անվտանգության խորհրդի քարտուղարների կոմիտեն։
Լավրովը նշել է, որ առաջարկը հանդիպման ընթացքում առարկություններ չի ստացել։
