15 Հունիսի, 2024

«Ժողովուրդ» օրաթերթը գրում է.

«Երևանի ավագանին նույնպես առաջիկայում «ամառային արձակուրդի» կմեկնի:

Ինչպես արդեն հայտնել ենք, հինգշաբթի օրը հայրենի խորհրդարանն ամառային նստաշրջանն ավարտեց. մինչև աշուն արտահերթ նիստերից բացի` ԱԺ հերթական նիստեր այլևս չեն լինի:

«Ժողովուրդ» օրաթերթը տեղեկացավ, որ հունիսի 25-ին հրավիրվելու է այս ավագանու վերջին նիստը, ու ավագանու անդամները ևս արձակուրդի կմեկնեն:

Ավագանու հերթական նիստն արդեն կկայանա սեպտեմբերին:

Ի տարբերություն պատգամավորների, որոնք ամռանը արտահերթ նիստեր են նախատեսում, Երևանի ավագանու անդամները մտադիր են վայելել իրենց ամառային հանգիստը:

Մեզ հետ զրույցում Երեւանի ավագանու անդամներն ասացին, որ եթե արտառոց իրավիճակներ կամ հրատապ նախագծեր չլինեն, ապա տրամադրված չեն ամռանը արտահերթ նիստ հրավիրելու:

Այսինքն՝ հունիսի 25-ին ավագանին վերջին նիստը կանի և «կարձակվի»՝ մինչև սեպտեմբեր»:

Մանրամասները` թերթի այսօրվա համարում

kotayk

Լրահոս