25 Հուլիսի, 2018

«Ժողովուրդ» թերթը գրում է.

Ani Product

«Սերժ Սարգսյանի եղբորորդու՝ Նարեկ Սարգսյանի դեմ մարդ առևանգելու և բռնության ենթարկելու քրեական գործով նոր մանրամասներ են ի հայտ գալիս: «Ժողովուրդ» թերթին հայտնի դարձավ, որ 49-ամյա Արամը, ում առևանգել ու բռնության են ենթարկել Նարեկ Սարգսյանի թիկնապահ Արտեմ Պետրոսյանի հետ համատեղ բիզնես է ունեցել:

Ani Product

Որոշ ժամանակ անց Արամը դիմել է Արտեմ Պետրոսյանին և հայտնել, որ չի ցանկանում իր հետ համատեղ աշխատել, քանի որ կա այլ մարդ, որի հետ նա ցանկանում է ստեղծել նոր բիզնես:

Այդ մասին տեղեկացել է Նարեկ Սարգսյանը և Արամին հրավիրել հանդիպման: Ըստ լուրերի՝ թեև Արտեմ Պետրոսյանը Արամին զգուշացրել է, որ Նարեկի հետ հանդիպման չգնա՝ ասելով, որ իրեն լավ բան չի սպասվում, սակայն Արամը գնացել է:

Դրանից հետո էլ տեղի է ունեցել միջադեպը. Արամին առևանգել են, սկզբում խոշտանգել Նարեկ Սարգսյանի տան նկուղում, հետո՝ «Սկանյա» բեռնատարների սպասարկման վարչական շենքում:

Հիշեցնենք՝ Արտեմ Պետրոսյանը հիմա կալանավորված է, իսկ Նարեկ Սարգսյանին հայտարարվել է հետախուզում»:

Մանրամասն՝ թերթի այսօրվա համարում

 

Լրահոս