Այսօր՝ նոյեմբերի 26-ին, Հայաստանի Հանրապետական կուսակցությունը ներկայացրեց իր նախընտրական ծրագիրը: ՀՀԿ փոխնախագահ Արմեն Աշոտյանը հայտարարեց, որ թեև Հայաստանին պարտադրվել է սև ու սպիտակ իրականություն, ամեն ինչ կա՛մ լավ է, կա՛մ վատ է, ինչը երեկ վատն էր, այսօր լավ է, իրենք «դեմոններն» են, մյուսները՝ հրեշտակներ, ապա պնդեց․ «Իրականությունը բազմաշերտ է:
ՀՀԿ-ին պարտադրված կանոնը սև ու սպիտակ է, ու անգամ այս սև ու սպիտակ իրականության մեջ մենք պարտավոր ենք թելադրել սեփական քաղաքական օրակարգ:
Այս օրակարգը մենք պարտավոր ենք թելադրել Հայաստանին»։ Հրավիրված մամլո ասուլիսի ընթացքում Հանրապետականները ներկայացրեցին իրենց անակնկալը՝ քաղաքացիներին կոչ անելով․ «Գտե՛ք ձեր սրտի հանրապետականին»։
