«Դեռ խորհրդարանական ընտրությունների քարոզարշավը չմեկնարկած խորհրդարանում պատգամավորական շարքերն սկսում են նոսրանալ: Եվ այսպես ԱԺ ՀՀԿ խմբակցության պատգամավոր Մհեր Սեդրակյանը, նույն ինքը Թոխմախի Մհերը, կարծես թե, լքում է ՀՀԿ-ական շարքերը:
Նրան խորհրդարանում սեպտեմբերյան հայտնի դեպքից հետո այլևս չեն տեսել: Ի դեպ, Հայաստանի Հանրապետական կուսակցության 16-րդ համագումարին նույնպես նրան չհանդիպեցինք:
Հիշեցնենք, որ սեպտեմբերի 9-ին դիմակավորված անձինք ներխուժել էին Մ. Սեդրակյանի բնակարան և հետախուզվող անձի որոնել, ինչից հետո հայտնի կամ անհայտ պատճառներով պատգամավորը պարփակվել է իր մեջ ու դադարեցրել օրենսդրական գործունեությունը»:
Մանրամասները թերթի այսօրվա համարում։
