12 Փետրվարի, 2017

Փաստաբանների պալատում խորհրդի ընտրությունների հաշվարկն ավարտվել է այսօր: ՓՊ նոր խորհուրդը ձեւավորվել է առավելագույն քվե ստացած առաջին 12 թեկնածուներից, նրանք են 1. Բաբայան Սիմոն Ալբերտի 2. Առուստամյան Մելանյա Սարգսի 3. Մեժլումյան Կարեն Սուրիկի 4. Ղազարյան Արայիկ Գառնիկի 5. Խուրշուդյան Տիգրան Սուրենի 6. Հարությունյան Հարություն Գագիկի 7. Սարդարյան Կարեն Հեկտորի 8. Սիմոնյան Տարոն Վարդանի 9. Հարությունյան Նելլի Ղուկասի 10. Աղաջանյան Կարապետ Սուրենի 11. Ասատրյան Սեդրակ Գառնիկի 12. Անանյան Հրանտ Սերգեյի Ընտրված 12 անդամները քարոզարշավին մասնակցել են մեկ թիմով, նրանց պայմանականորեն կարելի է անվանել ՓՊ նախագահ Արա Զոհրաբյանի թիմակիցները: ՓՊ նախկին նախագահ Ռուբեն Սահակյանի թիմակիցներից ոչ ոք չի ընտրվել խորհրդի կազմում: Ֆեյսբուք սոցիալական ցանցում փաստաբանները շնորհավորում են միմյանց: Ռուբեն Սահակյանի թիմակիցներից մեկը` Տիգրան Աթանեսյանն էլ հետեւյալ գրառումն է կատարել: «Փաստաբանների պալատի խորհրդի ընտրությունները հաստատեցին իմ այն միտքը, որ Պալատ փաստացի գոյություն չունի, դա «փաստաբանական վարչություն» է, որն իր էությամբ մեծագույն և իրական սպառնալիք է փաստաբանության գաղափարին։ Ավելի մանրամասն և ամփոփ հայտարարությամբ ես և իմ գործընկերները հանդես կգանք վաղը։ Շնորհակալ եմ մեկ առ մեկ ինձ քվեարկած փաստաբաններին, ձեր ձայները ապացուցում են, որ փաստաբանությունը այս երկրում կարող է ունենալ այլ ապագա, քան նախագծված է որոշ շրջանակների կողմից» Հիշեցնենք, որ խորհրդի անդամի  ընտրություններին մասնակցելու համար առաջադրցել էր 39 փաստաբան:  Գործող անդամները, բացառությամբ երեքի՝ Նիկոլայ Բաղդասարյանի, որը պատգամավոր է ուզում դառնալ, Մարտուն Փանոսյանի և Ռուբեն Հակոբյանի, կրկին առաջադրվել են։ Նախկին խորհրդից առաջադրված թեկնածուներից այս անգամ չեն ընտրվել Լուսինե Սահակյանը, Երվանդ Վարոսյանը, Լիպարիտ Սիմոնյանը: Հայաստանում 1779 փաստաբան է գրանցված, որից քվեարկությանը մասնակցել է 1163-ը: Նյութի աղբյուրը ` hraparak.am

kotayk

Լրահոս