ՌԴ պաշտպանության նախարար Սերգեյ Շոյգուն հայտարարել է, որ մասնակի զորահավաքի շրջանակներում երկու ամսվա ընթացքում ուսուցում են անցել ավելի քան 300 հազար պահեստայիններ և կամավորներ։
Ինչպես հաղորդում է Ինտերֆաքսը, Շոյգուն նշել է, որ նոր զինվորական կազմավորումների մարտական ուսուցման գործում ներգրավված են շուրջ երեք հազար հրահանգիչներ, գործի Է դրվել Ռուսաստանի և Բելառուսի ավելի քան 100 զորավարժարան:
ՌԴ պաշտպանության նախարարը հավաստիացրել Է, որ պաշտպանական ոլորտի պետական պատվերի կատարումը կապահովվի ոչ պակաս, քան 99 տոկոսի մակարդակով:
