«Զանգեզուրի միջանցքի հռչակագիրը նշանակում է ադրբեջանական կողմի հիմնական պահանջների սկզբունքային ճանաչում։ Այս մասին հայտարարել է Թուրքիայի արտգործնախարար Հաքան Ֆիդանը, փոխանցում են թուրքական լրատվամիջոցները։
Նրա խոսքով՝ Հայաստանի և Ադրբեջանի միջև համաձայնագրերը «հիանալի պատկեր են ստեղծում տարածաշրջանում խաղաղության համար»: «Իրադարձությունների առաջին օրվանից, այն պահից, երբ ամերիկացիները եկան և սկսեցին խոսել մեր ադրբեջանցի եղբայրների հետ, այդ հարցը լուծվում էր մեզ հետ համակարգմամբ», – ընդգծել է թուրք նախարարը:
Ֆիդանը նշել է՝ «Զանգեզուրի միջանցքի հռչակագրից հետո կոնկրետ ձևաչափը դեռևս որոշված չէ, դա ընդունված է որպես հայեցակարգ, որը կողմերը միմյանց միջև կքննարկեն բանակցությունների ընթացքում»:
