Ռուսաստանի Կրասնոդարի երկրամասի Գորյաչիյ Կլյուչ քաղաքում մահացած են գտել ռուսաստանցի ծանրամարտիկ, Եվրոպայի երկակի չեմպիոն, հայազգի Սերգեյ Պետրոսյանին, այս մասին հայտնում է lenta.ru-ն՝ հղում անելով տեղի քաղաքապետի ֆեյսբուքյան էջում հրապարակված տեղեկությանը։

Նշենք, որ 29-ամյա մարզիկն օրեր առաջ դուրս էր եկել տանից և չէր վերադարձել, նրա մարմինը հայտնաբերել են գետում։ Պետրոսյանի մահվան պատճառը պարզելու համար նշանակվել է դատաբժշկական փորձաքննություն։