Կորոշվեն նաեւ Հայաստանում ազգային հակադոպինգային կազմակերպության նշանակությունն ու նրա լիազորությունները:
«2022 թվականին մեր մարզիկներն աննախադեպ արդյունքներ են գրանցել։ Տվյալ փոփոխություններով ամեն ինչ արվելու է՝ թույլ չտալու մեր մարզիկների որակազրկումը եւ որպեսզի Հայաստանը չզրկվի նման դրական արդյունքներից»,-նշեց պատգամավորը։
Օրենքում փոփոխություններ կատարելու նախաձեռնությունը պայմանավորված է միջազգային իրավունքի սկզբունքների եւ նորմերի կիրառման անհրաժեշտությամբ, ինչպես նաեւ վերոնշյալ ոլորտին ներկայացվող ժամանակակից պահանջների կատարման հրամայականով:
«Բացի այդ, Համաշխարհային հակադոպինգային գործակալությունը դիմել է «Հայաստանի հակադոպինգային գործակալություն» ՊՈԱԿ-ին համապատասխան փոփոխություններ նախաձեռնելու խնդրանքով»,-տեղեկացրեց Գաբրիելյանը:
Կառավարությունն աջակցել է այս օրենսդրական նախաձեռնությանը։
Համեմատաբար կարճ քննարկումներից հետո խորհրդարանական մշտական հանձնաժողովը դրական եզրակացություն տվեց օրենսդրական այս նախաձեռնությանը:
