«Սակայն խաղաղապահները հայտարարեցին, որ իրենք ի վիճակի չեն ապահովել միջանցքը և նման հրահանգներ չեն ստացել։ Միևնույն ժամանակ, ադրբեջանական կողմի հետ բանակցությունների ընթացքում ադրբեջանցիները նաև հասկացրել են, որ չեն պատրաստվում մարդասիրական որևէ միջանցք տրամադրել»,- նշվում է զեկույցում։
Armenian Military Portal տելեգրամյան ալիքը հայտնում է. «Արցախից գրում են, որ խաղաղապահները տեղեկացրել են բնակիչներին, որ տարհանում չի լինելու, և միակ ելքը ինտեգրումն է»։
Հայաստանի կառավարությունից Aysor.am-ին դեռ չեն մեկնաբանել Լեռնային Ղարաբաղի բնակիչների տարհանման կազմակերպման մասին լուրերը։
Հիշեցնենք, որ ռուս խաղաղապահների միջնորդությամբ ձեռք բերված պայմանավորվածության համաձայն՝ սեպտեմբերի 21-ին Եվլախում տեղի կունենա Լեռնային Ղարաբաղի եւ Ադրբեջանի ներկայացուցիչների հանդիպումը։
