«Ժողովուրդ» օրաթերթը գրում է.
«Հունիսի 7-ին Հայաստանում կայանալիք խորհրդարանական ընտրություններին ընդառաջ և հենց ընտրությունների օրը Երևանի կենտրոնում նախատեսվում է անցկացնել տարվա ամենամարդաշատ բացօթյա միջոցառումներից մեկը՝ «Երևանի Գինու Օրեր» փառատոնը։ Մինչ քաղաքացիները գնալու են ընտրատեղամասեր՝ որոշելու երկրի հաջորդ քաղաքական իշխանության կազմը, մայրաքաղաքի Սարյան, Թումանյան և Մոսկովյան փողոցներում նախատեսված են գինի, երգ ու պար, զբոսաշրջային հոսք, համտեսներ և զանգվածային ժամանցային միջոցառումներ։
Փառատոնի մուտքն ազատ է, սակայն գինիներ համտեսելու և խաղարկություններին մասնակցելու համար անհրաժեշտ է ունենալ «Գինին Վայելելու Փաթեթ», որը ներառում է բրենդավորված ապակե բաժակ, պատյան, գինու համտեսի 12 տոմսակ, խաղարկության կտրոն, թեմատիկ բացիկներ, ինչպես նաև տեղեկատվական բուկլետ՝ քարտեզով և ծրագրով։
Ահա այսպես, ընտրության օրը տոն է լինելու՝ «կզացնելու», «ասֆալտ ուտեցնելու», «լակոտներին բռնելու» խոսույթով»։
Մանրամասները՝ «Ժողովուրդ» օրաթերթի այսօրվա համարում:
