ԱՄՆ նախագահ Դոնալդ Թրամփը պնդում է, որ Իրանը պետք է գրավոր պարտավորություններ ստանձնի իր միջուկային ծրագրին վերաբերող մի շարք հարցերի վերաբերյալ՝ որպես Վաշինգտոնի և Թեհրանի միջև կնքված համաձայնագրի մաս։
Այս մասին գրում է ABC News-ը:
Բանակցություններին ծանոթ աղբյուրների համաձայն՝ Իրանի ներկայացուցիչները խորհրդակցությունների ընթացքում ամերիկյան կողմին բանավոր երաշխիքներ են տվել մի շարք պահանջների հնարավոր կատարման վերաբերյալ։ Սակայն, նշվում է, որ Թրամփը այդ երաշխիքները համարել է անբավարար և պահանջել է, որ դրանք պաշտոնապես փաստաթղթավորվեն։
Հեռուստաալիքի աղբյուրները պնդում են, որ կողմերը շարունակում են աշխատել փոխըմբռնման հուշագրի վրա, որը կարող է էլ ավելի նվազեցնել երկու երկրների միջև լարվածությունը և սահմանել Իրանի միջուկային ծրագրի հետագա բանակցությունների շրջանակը։
