Փամբակում գետն ընկած 13-ամյա աղջնակին դեռ չեն գտել

Աշխատանքներն այսօր՝ ժամը 21։00-ին, մթության պատճառով դադարեցվել են։ Որոնողական աշխատանքները կվերսկսվեն վաղը՝ հունիսի 19-ին, ժամը 08։00-ին։ Այսօր նույնպես երեխայի որոնողական աշխատանքներին մասնակցում էին ՀՀ ՆԳՆ ոստիկանության Պարեկային ծառայության Լոռու մարզի գումարտակի պարեկները, Համայնքային ոստիկանության գլխավոր վարչության Տարոնի բաժնի համայնքային ոստիկանները՝ բաժնի պետի ժամանակավոր պաշտոնակատարի գլխավորությամբ, մեծ թվով քաղաքացիներ, ինչպես նաև Լոռու մարզպետ Արեն Մկրտչյանի և Վանաձորի քաղաքապետի պաշտոնակատար Արկադի Փելեշյանի կարգադրություններով՝ մարզպետարանի և քաղաքապետարանի աշխատակիցներ։