Լիբանանի առողջապահության նախարարությունը հրապարակել է մարտի 2-ից մինչև հունիսի 21-ը ռազմական էսկալացիայի ընթացքում քաղաքացիական բնակչության շրջանում զոհերի վերաբերյալ վերջնական վիճակագրությունը։
«Ռազմական էսկալացիայի սկզբից ի վեր զոհված լիբանանցիների ընդհանուր թիվը հասել է 4106-ի, վիրավորվել է 12153 մարդ», – ասվում է առողջապահության նախարարության պաշտոնական հայտարարության մեջ։
Հրապարակված տվյալների համաձայն՝ վերջին 24 ժամվա ընթացքում Նաբաթիե նահանգի հարավում գտնվող «Հեզբոլլահ»-ի թիրախներին Իսրայելի ռազմաօդային ուժերի կողմից հասցված հարվածների հետևանքով զոհվել է 49 մարդ, վիրավորվել՝ 32-ը։
Լիբանանի առողջապահության նախարարության տվյալներով՝ կիրակի օրը իսրայելական ինքնաթիռները իրենց ավիահարվածները կենտրոնացրել են Ալի Թահեր բարձունքների վրա։
Բացի այդ, տեղեկություններ են ստացվել Քֆար Թիբնիտ գյուղի և Նաբաթիե ալ-Ֆավկա արվարձանի վրա անօդաչու թռչող սարքերի հարձակումների մասին:
