Ռուսաստանի կողմից Ուկրաինայի մի քանի շրջանների վրա գիշերը և առավոտյան իրականացված զանգվածային հարձակումների հետևանքով երկու մարդ զոհվել է, ևս յոթը՝ վիրավորվել։
Ըստ ՌԲԿ-Ուկրաինայի՝ հարվածներ են հասցվել Զապորոժիեի, Սումիի և Դնեպրոպետրովսկի մարզերին։
Զապորոժիեում ռուսական ավիառումբը ոչնչացրել է մասնավոր տուն։ Հարվածի հետևանքով զոհվել է 67-ամյա տղամարդ։ Փրկարարները փլատակներից դուրս են բերել 22-ամյա տղամարդու. իշխանությունների տվյալներով՝ նրա կյանքին վտանգ չի սպառնում։
Ավելին, բնակարանային շենքի վրա անօդաչու թռչող սարքի հարվածի հետևանքով վիրավորվել են 53-ամյա կին և 52-ամյա տղամարդ։
Ռուսական ուժերը նաև առնվազն յոթ ավիառումբով հարվածել են Սումի համայնքին։ Վիրավորվել է հինգ քաղաքացիական անձ և կա մեկ զոհ:
Դնեպրոպետրովսկի մարզում հարձակումը հրդեհ է առաջացրել Դնեպրի մասնավոր սեփականությունում։ Պայթյունի ալիքը վնասել է մի քանի բազմահարկ շենքերի ապակիները, մեքենաները և մեկ խանութը: Տարածաշրջանային իշխանությունների տվյալներով՝ ՀՕՊ ուժերը գիշերը խոցել են 15 ռուսական անօդաչու թռչող սարք:
