«Իրավունք» թերթը գրում է.
«Ըստ «Իրավունք»-ին հասած լուրերի` ՔՊ-ական պատգամավոր Խաչատուր Սուքիասյանը շատ անհանգիստ ու վտվտան մարդ է, հիմա էլ որոշել է զբաղվել տաքսիների բիզնեսի «զարգացմամբ»՝ Հայաստան ներկրելով հազարավոր էլեկտրամոբիլներ եւ դրանք տաքսի «Yandex»-ի տակ աշխատեցնելով:
Կասեք՝ հա ի՞նչ, մենք էլ կասենք հետեւյալը. Քանի որ, ըստ տարածված լուրերի, մեծն Սուքիասյանն է ներկրում էլեկտրամոբիլներ, հետեւաբար, այն անձինք, ովքեր ունեն էլեկտրամեքենաներ, այլեւս չեն կարող իրենց մեքենաները տալ կամ վարել Յանդեքսի տակ:
Ըստ նույն խոսակցությունների, Խաչատուր Սուքիասյանը հիմա էլ տաքսոպարկ է ստեղծելու փող է, որ շփում է, քանի որ նման մեքենաների մինիմալը կիլոմետրաժով սկսվում է 800-3000 դրամ՝ նայած օրվա ժամին, խցանումներին եւ եղանակին:
Այնպես որ, հարգելի «հպարտ» քաղաքացիներ, եթե ցանկանում եք ձեր էլեկտրամոբիլով միանալ «Yandex» տաքսիին եւ ազատ ժամանակ հավելյալ գումար վաստակել, ապա հույսներդ կտրեք:
Ավելի լավ է «Օփել» գնեք ու «յոլա» գնացեք, քանի «Մուրադը չի կատաղել»: Չե՞ք հավատում, զանգահարեք «Yandex» տաքսի՝ վարորդների գրանցման կենտրոն, ասեք, որ ունեք էլեկտրական մեքենա ու ինքներդ լսեք պատասխանը. «Մենք ձեզ կզանգեք, դեռ չենք գրանցում, հենց լինի` կասենք…»:
Մի խոսքով՝ «как только, так сразу», եւ դա մշտապես հնչող պատասխանն է: Այս ամենը կկոչեք մենաշնորհ, կկոչեք հայավարի՝ ձեր որոշելիքն է, սակայն այն, որ Սուքիասյանի սիրտը չի բավարավում ունեցած բազում բիզնեսներով, Ադրբեջանից ներկրվող անորակ բենզինով եւ այլնով, այլեւս ողջ հանրությունն է խոսում, հիմա էլ, թե բա՝ տաքսի»։
