CNN-ի թղթակից Մեթյու Չենսը հայտնել է, որ հանդիպել է Ուկրաինայի նախագահ Վլադիմիր Զելենսկու հետ «գաղտնի վայրում՝ Կիևի կենտրոնում», գրում է Дождь-ը:
Ուկրաինայի նախագահը երկրում Ռուսաստանի գործողությունները անվանել է «լիամասշտաբ պատերազմ»։
«Ես ասացի, որ Ուկրաինան կպայքարի, բայց մենք միայնակ չենք կարողանա դա անել», – ասել է Զելենսկին։ Նա հիշեցրել է, որ զգուշացրել է Եվրոպային, որ պատժամիջոցները պետք է կիրառվեն կանխարգելիչ կերպով, և որ եթե Ռուսաստանը չկանգնեցվի, ապա նրա զորքերը կլինեն Լիտվայի, Լեհաստանի և ՆԱՏՕ-ի այլ երկրների սահմաններում, և «կլինեն նաև սադրանքներ»։
Զելենսկին խոսել է նաև Խարկովի ուղղությամբ հրթիռային հարվածների մասին։ «Այսօր Խարկովը պարզապես ռմբակոծվել է երկու թեւավոր հրթիռներով։ Պաշտոնական հայտարարություններում ՊՆ-ն ասել է, որ հրթիռային հարվածներ են լինելու ՈւԱՈւ-ի վրա. սա Սուրբ Սոֆիայի տաճարից 200 մետր հեռավորության վրա է: Ուստի մենք խնդրում ենք փակել երկինքը և պատժամիջոցներ սահմանել Ռուսաստանի դեմ»։
«Մենք խնդրում ենք Ուկրաինայի անվտանգության երաշխիքներ. սա տարածքային ամբողջականություն է, սա այն է, երբ մեր սահմանները պաշտպանված են, և մեր անվտանգությունը օրինականորեն ապահովված է»,- ասել է Զելենսկին։
Բացի այդ, Զելենսկին խոսել է Ռուսաստանի և Ուկրաինայի միջև բանակցությունների մասին.
«Նրանքորոշել են սկսել խոսել այս իրավիճակի մասին, և ես իսկապես դա եմ ուզում։ Բոլորը պետք է դադարեցնեն պայքարը և վերադառնան այն կետին, որտեղից սկսվել է վեց օր առաջ։ Եթե դա անեն, ուրեմն պատրաստ են։ Եթե պատրաստ չեն, ապա պարզապես ժամանակի վատնում է»:
Լրագրողի հարցին, թե Զելենսկին կարծում է՝ ժամանակ է կորցնում, թե նրանք պատրաստ են։
Զելենսկին պատասխանել է. «Կտեսնենք»:
