Ռուսաստանն ու Ուկրաինան իրենց առաջին բանակցություններն են անցկացնում Բելառուսի Գոմելի շրջանում, հայտնում է BelTA-ն։
Ռուսական կողմը Բելառուս է ժամանել դեռևս փետրվարի 27-ին։ Ուկրաինական պատվիրակությունը ռազմական ուղղաթիռներով ժամանել է բանակցությունների վայր բանակցությունների մեկնարկից շուրջ երկու ժամ առաջ։
Պատվիրակությունների հանդիպումը տեղի է ունենում Ուկրաինայի սահմանի մոտ՝ Պրիպյատ գետի ափին։ Անվտանգության նկատառումներից ելնելով հանդիպման ստույգ վայրը հայտնի չէ։
