Իրանի նախագահ Մասուդ Փեզեշքիանը Ռուսաստանի առաջնորդ Վլադիմիր Պուտինի հետ Աշխաբադում հանդիպման ժամանակ կոչ է արել Ռուսաստանին ավելի ակտիվորեն ընդդիմանալ Իսրայելի գործողություններին, որոնք հանգեցնում են Լիբանանում և Գազայի հատվածում խաղաղ բնակիչների զանգվածային մահվան:
«Մենք քննարկել ենք տարածաշրջանի հարցեր, այն է, որ Ռուսաստանը պետք է ավելի ակտիվ դեր խաղա Լիբանանում և Գազայի հատվածում կանանց և երեխաների դեմ Սիոնիստական ռեժիմի հանցագործությունների առնչությամբ», – ասել է Իրանի նախագահը:
Բանակցություններում Իրանի նախագահը նշել է, որ եվրոպական երկրները և ԱՄՆ-ը կանխում են լարվածության դեէսկալացիան Մերձավոր Արևելքում, և իրավիճակը տարածաշրջանում դարձել է կրիտիկական այն պատճառով, որ Իսրայելը չի ճանաչում միջազգային իրավական և հումանիտար որևէ օրենք:
Հանդիպումը տեղի է ունեցել «Ժամանակների և քաղաքակրթությունների հարաբերությունները խաղաղության և զարգացման հիմքն են» միջազգային ֆորումի շրջանակներում։