Փարաքարում գործում է 16, Գյումրիում՝ 82 ընտրատեղամաս

Արմավիրի մարզի Փարաքար և Շիրակի մարզի Գյումրի համայնքներում այսօր՝ մարտի 30-ին, առավոտյան ժամը 8.00-ին բացվեցին ընտրական տեղամասերը: Ընտրությունները կտեւեն մինչեւ ժամը 20.00-ն:

Երկու համայնքներում էլ ընտրությունները արտահերթ են:

ՀՀ ՆԳՆ կողմից ԿԸՀ-ին տրամադրված տեղեկությունների համաձայն՝ Փարաքար համայնքի 16 տեղամասերում ընտրողների թիվը 20 967 է, իսկ Գյումրու 82 տեղամասերում՝ 111 236․ երկու համայնքներում էլ տեղամասերը կտեսահսկվեն:

Գյումրի համայնքի ՏԻՄ ընտրություններին մասնակցող կուսակցություններն ու դաշինքներն են՝

1. Քաղաքացիական պայմանագիր» կուսակցություն — ցուցակը գլխավորում է Սարիկ Մինասյանը։
2. Հայաստանի կոմունիստական կուսակցություն — ցուցակը գլխավորում է Գյումրիի նախկին քաղաքապետ Վարդան Ղուկասյանը։
3. «Ապրելու երկիր» կուսակցություն — ցուցակը գլխավորում է Կարեն Մալխասյանը:
4. «Մայր Հայաստան» կուսակցությունների դաշինք- ցուցակը գլխավորում է Կարեն Սիմոնյանը։
5. Հայաստանի աշխատավորական սոցիալիստական կուսակցություն- ցուցակը գլխավորում է Արտյոմ Թումանյանը:
6. «Եվրադաշինք» կուսակցությունների դաշինք — ցուցակը գլխավորում է Լևոն Բարսեղյանը:
7. «Դեմոկրատական այլընտրանք» կուսակցություն — ցուցակը գլխավորում է Արտյոմ Ղարաղազարյանը:
8. «Մեր քաղաքը» կուսակցությունների դաշինք — ցուցակը գլխավորում է Մարտուն Գրիգորյանը:
9. «Իմ հզոր համայնք» — ցուցակը գլխավորում է  պրոդյուսեր Ռուբեն Մխիթարյանը:

Փարաքար համայնքի ՏԻՄ ընտրություններին մասնակցող ուժերն են՝

1. «Քաղաքացիական պայմանագիր» կուսակցություն — ցուցակը գլխավորում է Լյուդվիգ Գյուլնազարյանը:
2. «Միասնություն» կուսակցությունների դաշինք — ցուցակը գլխավորում է Վոլոդյա Գրիգորյանը:
3. «Ազգային առաջընթաց» կուսակցություն — ցուցակը գլխավորում է Դավիթ Մինասյանը
4. «Կայունություն» կուսակցություն — ցուցակը գլխավորում է Գոռ Սարիբեկյանը:

Գյումրիում եւ Փարաքարում ընտրական գործընթացը կդիտարկի ՀՀ-ում հավատարմագրված դիվանագիտական և հյուպատոսական ներկայացուցչություններից 29 այցելու։

Փարաքարում գործում է 16, Գյումրիում՝ 82 տեղամաս