Ադրբեջանի արտաքին գործերի նախարարության մամուլի քարտուղար Այխան Հաջիզադեն պատասխանել է Նիկոլ Փաշինյանին։ Այս մասին հաղորդում է ԱՊԱ-ն։
«Ի՞նչ է նշանակում այս ամենը։ Պարոն վարչապետ Նիկոլ Փաշինյան, թող ձեր գործողություններն ավելին ասեն, քան խոսքը։
Հետաքրքիր է, որ ձեր «խաղաղասեր պատմությունը» շրջանցում է տարածաշրջանում կայուն խաղաղության հաստատման կարևորագույն տարրը՝ պետությունների տարածքային ամբողջականության և ինքնիշխանության հարգանքը։
Եթե Հայաստանն իսկապես շահագրգռված է իր հարևանների հետ խաղաղության հաստատմամբ, ինչո՞ւ եք ամեն կերպ հրաժարվում ձեր սահմանադրության շրջանակներում, այսպես կոչված, «Արևմտյան Հայաստան» և «Լեռնային Ղարաբաղի Հանրապետություն» տարածքների նկատմամբ պահանջներից հրաժարվելու գործընթաց սկսելուց։ Կներեք, բայց ձեր փաստարկը չի կարող համարվել որպես Հայաստանի «բարի մտադրությունների» հաստատում»,- ասել է նա։
Հիշեցնենք, որ Նիկոլ Փաշինյանը ծավալուն հարցազրույց էր տվել «Արմենպրես» լրատվական կայքին, որտեղ մանրամասն անդրադարձել էր մի շարք հարցերի։
