Սիրիայի դեմոկրատական ուժերի քրդական ստորաբաժանումները բախումների մեջ են մտել նոր կառավարության հրամանատարության ներքո գտնվող սիրիական բանակի հետ Հալեպի նահանգի Թիշրինի տարածքում:
Այս մասին հաղորդում է Syria TV-ն՝ հղում անելով Սիրիայի Արաբական Հանրապետության բանակի 72-րդ բրիգադի սեփական ռազմական աղբյուրին։
«ՍԴԿ-ն հարձակվել է Թիշրինի ամբարտակի ուղղությամբ գտնվող դիրքերի վրա։ Մեր դիրքերը հարձակման են ենթարկվել ամբարտակի տարածքում՝ Սիրիաթելի բարձունքում», — ասել է աղբյուրը։
Սիրիական արաբական բանակին հաջողվել է վերականգնել վերահսկողությունը երկու ամրոցների նկատմամբ, որոնք նախկինում գրավված էին քրդերի կողմից։
«Կատաղի մարտերից հետո, բանակային ուժեր ուղարկվեցին բախման վայր», — նշում է աղբյուրը։ Հեռուստաալիքը չի նշում քրդերի և բանակի միջև զինված բախման պատճառը։
