ԱԺ նախկին պատգամավոր Անի Սամսոնյանի ֆեյսբուքյան գրառումը Իշխանությունը որոշել է օրենք ընդունել և սահմանել ընտրական ցենզ, որի համաձայն, եթե ՀՀ քաղաքացին վերջին վեց ամիսը բացակայել է երկրից, ապա չի կարող իրացնել իր ընտրական իրավունքը:
Այսինքն, եթե այնպես է ստացվել, որ դուք ընտրությունից վեց ամիս առաջ եղել եք արտասահմանում ուսման, գործուղման, հանգստի, առողջական, վերապատրաստման կամ այլ նպատակներով, ուրեմն կզրկվեք ընտրելու իրավունքից: Այսպիսի ժամկետով ցենզ սահմանելը խախտելու է նաև արտագնա աշխատանքի մեկնած մեր հայրենակիցների ընտրելու իրավունքը: Խոսքը գնում է նրանց մասին, ովքեր իրենց ընտանիքը թողել են Հայաստանում և կարիքից ելնելով մեկնել են արտագնա աշխատանքի:
Վեց ամիսը շատ քիչ ժամկետ է ՀՀ քաղաքացուն զրկելու իր սահմանադրական ընտրական իրավունքից:
Կամ այդ ժամկետը պետք է լինի 4-5 տարի կամ այս օրենքը չպիտի ընդունվի:
